اوهااايوو قاايز
اليوم جبتلكم درااماا مرا ناايس وتضحك وتحزن وكووول حاجة في الحيااه
انا تابعتوو بس بيني وبينكم ما كنت احوب الكوري مراا
بس الصرااحة دا مرا عجبني وما شوفت النهااية
بس حاليا ان شااء الله اكملوو
وجيت هناا اسوي تقرير عنوو لانوو عنجد عجبني
............My GirL.............}
عنوان الدراما: 마이걸 / Mai geol / My Girl
النوع: Romance, Comedy, Drama
عدد الحلقات: 16
تاريخ عرض الدراما: 2005-12-14 إلى 2006-02-02
][ قصة المسلسل ][
انوو وحدة بنت اسمهاا Joo Yoo Rin تشتغل دليلة سيااحية ومراااااااا تحب تكزب وتحب الفلوس يا لطيف
وعندهاا ابوهاا مدمن قماار ودايمن مديون عشاان كداا هياا تدور فلوس بأي طريقة عشاان تسدد ديون ابوهاا
ودي البنت تعرف تتكلم ياباني وصيني وكوري , وهياا مرا تحوب ابوهاا وتبغى تسااعدوو وهوا يشرد منهاا
عشان حاسس انوو بيسويلهاا مشااكل وهوا معاها وهياا ما تيأس تدور عليه .
وفي طريقهاا دي البنت تسير صدفة وتقاابل Seol Gong Chan مدير فندق Avenuel من اكبر واحلى الفناادق
في المنطقة حقتهم , المهم يا حلوين هادا الولد مكلف بهمة من جدوو الي ع فرااش الموت , ايش هياا المهمة
انوو يدور ع حفيدتوو ( حفيدة الجد ) يعني تسير للولد بنت عموو , المهم وبيدور وما يلااقي وجدوو خلااص يبغى
يمووت الين في النهااية يتفق مع Joo Yoo Rin انوو هياا تمسل دور الحفيدة
ومن هناا تبدأ الاحدااس وتتشعب وتتشربك وهوا يحبهاا وهوا عندوو حبيبتوو وتسير مشااكل وزي كدا
][ الشخصياات ][
هادي هياا بطلة الفليم يورين يقولولهاا
مرا تحب تكزب ودايمن مبتسمة وتحب تشجع نفسهاا ومرا لزيييييييزة الصرااحة
هياا الي تمسل دور الحفيدة والعيلة كلهم يحبوهاا لانهاا منجد تنحب بسرعة
وبس تحب الاكل والفلووس ونصاابة كمان بس لمن تدخل في حيااه سييول تتغير حيااتهاا
وهياا ماتعرف يوم ميلادهاا بس تعرف انوو يوم ما ينزل التلج فكل ما ينزل تلج يجبلهاا سيوول هدية
صور اضاافية للمسنجر
[/size]
هاداSeol Gong Chan مدير الفندق وشخصية مراا هااادية يحب عمله ومرا مجتهد
هوا الي يتنفق مع يورين انوو تسير بنت عموو
يقولوو سييول في الفلم اتخلت عنوو حبيبتوو لاعبة التنس وبعدين رجعتلوو بخبل شوياا
بس قلبوو مرا حنون ع يورين عندوو سكرتيرة دايمن معااه
بعض الصور له :
ودا Seo Jeong Woo يقرب للولد الي فوق داكا وهوا معاهم في الفندق بس انوو ما يتحمل المسؤلية
ومرا لعاااب وحق كازيوهاات وزي كدا مافي بنت تملي عيونوو بس لمن حب حب يورين ومراا ومهوو قادر يقلهاا
ويعرف انها مزيفة ومهي بنت عم قريبوو بس هياا قالتلوو انها تحب سييول فعشاان كدا ما قلهاا انو يحبهاا
بس يجي يخطبهاا وما تواافق عشنهاا تحب سييول
ودي صور له :
هادي حبيبة مدير الفندق مرا هوا كاان يحبهاا بس هياا اتخلت عنوو وساابتوو سنين عشان هيااا لاعبة تنس مشهورة
ولمن رجعت يحبهاا بس مو مرا حب يورين اكتر وبعدين يعترفلهاا انوو خلاص ماساار يحبهاا
تقوم تحقد عليهم وتسوي مشااكل وتفضح يورين عند الجد ومرا شررريرة وتقهر ^^
هدولا الاتنين اخواان وهماا اصحااب يورين ومعاها داايمن ويعرفوو كل حااجة ويسااعدوهاا
البنت عندهاا محل كووافير والولد يشتغل عارض ازيااء ويحب السكرتيرة حقت مدير الفندق
تقيمي للمسلسل انوو حلو لبسهم وشياكتهم هادا غير الايقااعاات وموسيقى البداية والنهاية
كلوو تماام \\ القصة مرا رووعة وفهمتني اشيااء كتيرة هادا غير الحب والدمووع
منجد فيلوو لقطاات تحزن وتبكي كمان بس انا مابكيت ^^
وفيلوو لقطات تفطس من الضحك انصحكم تشووفووه
][ صور من المسلسل ][
ان شااء الله يكون عجبكم التقرير حقي
وترى اول مرا اكتب بنفسي تقرير
طبعن الصور ملطووشة بس التنسيق مني
تحياااتي FaNo0....}